Kreu i Bankës Qendrore Europiane (BQE) Mario Draghi tha të hënën se rimëkëmbja e ekonomisë në Eurozonë do të jetë e ngadalshme dhe qeveritë e vendeve të ndryshme duhet të vazhdojnë të nxisin reformat. Ai shtoi se duhet të ndërmerren masat për nxitjen e investimeve e të realizohet zhvillimi ekonomik.

Ai shtoi se për një rritje të vazhdueshme, Eurozona duhet të përmirësojë mjedisin e politikave aktuale, sidomos në fushën e investimeve dhe inovacionit, për të përmirësuar produktivitetin.

Draghi tha gjithashtu se BQE-ja do të ruajë nivelin aktual të normave të interesit, për të lehtësuar rimëkëmbjen ekonomike.

"Investimet dhe inovacioni vijnë kryesisht nga sektori privat, prandaj politikëbërësit duhet të thjeshtësojnë procedurat administrative dhe të përmirësojnë mjedisin e investimeve". (Vera/Albana)