Vetëm arritja e stabilitetit dhe i sigurisë në Siri mund të mbrojnë të drejtat njerëzore themelore të popullit sirian. Kështu u shpreh të enjten në një konferencë shtypi zëdhënësi i Ministrisë së Jashtme të Kinës Hong Lei.

Duke komentuar lidhur me raportin e Këshillit të të Drejtave të Njeriut të OKB-së, sipas të cilit si qeveria e Damaskut, ashtu edhe opozita kanë kryer krime lufte dhe krime kundër njerëzimit, zëdhënësi i diplomacisë kineze u shpreh se është e domosdoshme që të gjitha palët në Siri të ndalojnë dhunën. Pala kineze bën thirrje për zhvillimin e një Konference të dytë të Gjenevës mbi problemin e Sirisë, për të zgjidhur dallimet nëpërmjet dialogut dhe bisedimeve. Vetëm arritja e stabilitetit dhe e sigurisë në Siri mund të mbrojë të drejtat themelore të popullit sirian, u shpreh zëdhënësi i Ministrisë së Jashtme të Kinës Hong Lei. (Fang Xiaoyu/Artani)