Në ceremoninë e hapjes së Forumit Veror të Davosit, që u zhvillua dje pasdite kryeministri i Kinës Li Keqiang deklaroi se rritja ekonomike e vendit pati ngadalësim, por gjendja e përgjithshme e saj është e mirë dhe e qëndrueshme.

Li keqiang theksoi se rritja prej 7.5% është më e ulët krahasuar me të kaluarën, por mbetet e madhe në krahasim me ekonominë botërore.

"Ka ende punë për të bërë në drejtim të industrializimit dhe urbanizimit të vendit, pasi zhvillimi rajonal dhe potenciali i tregut është i madh, ndaj duhet të nxisim më tej reformat në këto sektorë," tha kryeministri kinez.

Li Keqiang vuri në dukje se Kina si një vend i madh në zhvillim, ka përgjegjësi në çështjet ndërkombëtare dhe për rritjen e ekonomisë botërore, por kjo përgjegjësi duhet të përputhet me nivelin tonë të zhvillimit. (Vera/Eda Merepeza)