Kina thotë se përkrah përpjekjet e Kombeve të Bashkuara për të zgjidhur krizën siriane.

"Ne shpresojmë që palët do të vazhdojnë të mbajnë kontakte për të arritur një zgjidhje paqësore," tha zëdhënësi i Ministrisë së Jashtme Hong Lei.

Komentet e tij erdhën pas deklaratave të ShBA-së se do të ndërhyjë ushtarakisht pa miratimin e Kombeve të Bashkuara, ndërkohë që Uashingtoni akuzoi Rusinë se "po mban peng", Këshillin e Sigurimit.

Ambasadorja e ShBA-së në OKB, Samantha Power, tha se nuk ka asnjë rrugë që Këshilli i Sigurimit të veprojë pasi Rusia bllokon çdo rezolutë.

Pekini thotë se mbështet përpjekjet e të dërguarit të posaçëm Lakhdar Brahimi dhe shpreson se komuniteti ndërkombëtar do të punojë së bashku për mbajtjen e një konferencë për Sirinë. (Leftion Peristeri)