Kryeministri francez Jean-Marc Ayrault justifikoi të mërkurën qëndrimin e socialistëve për të dënuar regjimin sirian për përdorimin e armëve kimike, për t'i hapur rrugë zgjidhjes politike.

Ayrault i bëri komentet gjatë një konference të jashtëzakonshme në Kuvendin Kombëtar, ku ishin të mbledhur anëtarë të parlamentit për të diskutuar mbi përgjigjen e Francës ndaj krizës siriane.

Ky sesion i jashtëzakonshëm u zhvillua pasi pjesa më e madhe e francezëve u shprehën në favor të votimit në parlament për ndërhyrjen ushtarake në Siri. Megjithatë, kryeministri përjashtoi votën duke thënë se takimi i së mërkurës është planifikuar vetëm për diskutime. (Albana)