Këshilli i Sigurimit i Kombeve të Bashkuara, duke parë nevojën për të mos qëndruar indiferent mbi përdorimin e armëve kimike në Siri, pranon se çështja tani do të jetë në qendër të vëmendjes së samitit të G20-s në Shën Petersburg, Rusi, njoftoi presidenti i këshillit të mërkurën.

"Po qëndrojmë në pritje deri sa të përfundojë takimi i liderëve të botës në ditët në vijim, pasi janë ata personat kyç, si dhe vendet që janë të interesuara për këtë çështje," tha Gary Quinlan, përfaqësuesi i përhershëm i Australisë në OKB.

Ai pranoi se çështja nuk është zyrtarisht në axhendën e këshillit, duke shtuar se anëtarët e këshillit kanë zhvilluar bisedime jozyrtare së bashku me kreun e OKB-së Ban Ki-moon "për hapin tjetër ndaj Sirisë." (Albana)