Presidenti rus Vladimir Putin, tha se Rusia nuk do të përjashtojë mundësinë e ndërhyrjes ushtarake ndaj Sirisë të autorizuar nga Këshilli i Sigurimit i OKB-së, në rast të paraqitjes së provave për përdorimin e armëve kimike nga Damasku.

Ai paralajmëroi gjithashtu Shtetet e Bashkuara se çdo ndërhyrje ushtarake në Siri pa autorizimin e Kombeve të Bashkuara do të konsiderohej agresion.

Duke folur për televizionin Channel 1 TV, Putin i rikujtoi administratës Obama se duhej miratimi i Këshillit të Sigurimit të OKB-së për një ndërhyrje të mundshme ushtarake.

"Provat duhet të paraqiten në Këshillin e Sigurimit," shtoi Putin, duke nënvizuar se Rusia do të ndërmarrë veprime ndëshkuese ndaj Sirisë, nëse provat janë të qartë për përdorimin e armëve të shkatërrimit në masë.

Gjithashtu Putin theksoi se tani furnizimet ushtarake për Sirinë janë ndërprerë. (Leftion Peristeri)