Në një kohë që Shtetet e Bashkuara kanë lajmëruar se mund të sulmojnë Sirinë, sistemi rus i paralajmërimit ka interceptuar dy raketa balistike të qëlluara nga pjesa qendrore e Mesdheut në drejtim të asaj lindore.

Ministria ruse e Mbrojtjes thotë se lëshimi ka ndodhur në orën 06:16 sipas Grinuiçit, ndërsa ishte interceptuar nga radarët e instaluar në qytetin jugor të Rusisë, Armavir.

Deri tani, as ambasada ruse në Siri dhe as ambasada siriane në Rusi nuk kanë ndonjë informacion për lëshimin e raketave.

Presidenti rus Vladimir Putin u vu në dijeni për sulmin nga ministri i Mbrojtjes Sergei Shoigu, njoftoi dikasteri i mbrojtjes në një deklaratë.

Nga ana tjetër Ministria ruse e Mbrojtjes, thotë se zgjidhja e krizës siriane duhet të bëhet përmes dialogut pa ndërhyrje nga jashtë. (Leftion Peristeri)