Në pritje të votimit nga Kongresi të vendimit të presidentit Obama për ndërhyrje ushtarake në Siri, zyrtarët e lartë amerikanë zhvilluan të dielën një takim me ligjvënësit e nivelit të lartë. Ata u kërkuan ligjvënësve të mbështesin vendimin e presidentit Obama.

Të shtunën kreu i Shtëpisë së Bardhë njoftoi vendimin për ndërhyrje ushtarake në Siri, por shtoi se do të presë autorizimin e Kongresit.

Sipas një raporti të Shtëpisë së Bardhë, publikuar të premten, forcat qeveritare siriane kanë përdorur disa herë armë kimike, ndërsa si pasojë e përdorimit të tyre më 21 gusht gjetën vdekjen 1429 persona, mes të cilëve 426 fëmijë. (Eda Merepeza)