Zëdhënësi i qeverisë gjermane Steffen Seibert tha të premten se vendi nuk ka në plan t'i bashkohet veprimeve ushtarake ndaj Sirisë.

Ai deklaroi se një gjë e tillë nuk është marrë më konsideratë më herët dhe as tani nuk po mendohet.

Zëdhënësi shtoi se kancelarja gjermane Angela Merkel ra dakord me presidentin amerikan Barak Obama gjatë një bisede telefonike që të vijojnë konsultimet për këtë çështje.

Edhe ministri i jashtëm Guido Westerwelle deklaroi se Gjermania nuk do të përfshihet në ndërhyrjen ushtarake kundër regjimit të Bashar al-Asadit dhe shtoi se një gjë e tillë nuk i ishte kërkuar vendit të tij. (Ardi Pulaj)