Siria është gati për t'u vetëmbrojtur nga çdo sulm i jashtëm, tha të martën ministri i Jashtëm Walid Al-Moualem, pas deklaratave të disa prej vendeve perëndimore mbi ndërhyrjet ushtarake në Siri, për shkak të dyshimeve më të fundit mbi përdorimin e armëve kimike në Siri.

Në konferencën e shtypit në Damask, Walid Al-Moualem shprehu mosbesim lidhur me goditjet ushtarake nga vendet perëndimore.

"Qëllimi i qeverisë amerikane mund të jetë thjesht për të ushtruar presion ndaj qeverisë siriane", tha ai, duke shtuar se "ne jemi gati të mbrojmë vendin nga çdo sulm i mundshëm ushtarak". (Xu Guang/Albana)