Ekipi i OKB-së rinisi të mërkurën hetimet në rrethinat e Damaskut, pas ndërprerjes për shkaqe sigurie, njoftoi zëdhënësi i Kombeve të Bashkuara, Khaled al-Masri për agjencinë kineze të lajmeve "Xinhua".

Ai nuk dha detaje për zonën se ku po investigohet.

Pas sulmit të së hënës, nga i cili u dëmtua një nga makinat e hetuesve ndërkombëtarë, sekretari i përgjithshëm i OKB-së, Ban Ki Moon i bëri thirrje palëve në Siri që të garantonin sigurinë e hetuesve. (Ardi Pulaj)