Ministri i jashtëm rus Sergei Lavrov i tha të mërkurën të dërguarit ndërkombëtar Lakhdar Brahimi se zgjidhja ushtarake e krizës siriane do të destabilizonte jo vetëm vendin, por edhe Lindjen e Mesme.

Ai theksoi se nuk ka alternativë për zgjidhjen politike e diplomatike të çështjes, duke shtuar se përpjekjet për një zgjidhje me anë të përdorimit të forcës do të rezultojnë në destabilitet.

Lavrov e Brahimi theksuan se palët duhet të veprojnë me përgjegjësi e të mos përsërisin gabimet e së shkuarës, thuhet në një deklaratë të lëshuar nga Ministria e Jashtme ruse. (Ardi Pulaj)