Shefja e BE-së për politikën e jashtme Catherine Ashton ka deklaruar se është e rëndësishme që inspektorët e OKB-së në Siri të hetojnë sa më parë të dhënat dhe të nxjerrin përfundime rreth situatës në vendin e përfshirë nga dhuna.

Gjatë një konference të ambasadorëve organizuar në Talin nga Ministria e Jashtme e Estonisë, kryediplomatja europiane Ashton tha se çdo vonesë në uljen e palëve në tryezën e bisedimeve është me pasoja të rënda për situatën humanitare në Siri.(Eda Merepeza)