Ministri i jashtëm i Sirisë, Walid al-Moallem i bëri thirrje të martën fuqive perëndimore që të paraqesin fakte për përdorimin e armëve kimike nga trupat siriane.

Gjatë një konference për shtyp në Damask, Al-Moallem tha se qeveria e ka bërë punën e saj në lejimin e hetuesve të OKB-së, ndërsa rebelët opozitarë u përpoqën të ndalonin misionin e tyre.

Duke folur për një sulm të mundshëm ushtarak nga SHBA-ja, shefi i diplomacisë siriane tha se një gjë e tillë nuk do të ndalë trupat qeveritare që të mposhtin rebelët.

Ai shtoi se Siria do të mbrohet me të gjitha mjetet e mundshme nëse sulmohet. (Ardi Pulaj)