Departamenti Amerikan i Shtetit njoftoi se takimi i së mërkurës në Hagë me përfaqësuesit rusë për Sirinë, për shkak të hetimeve që po vijojnë ende mbi përdorimin ose jo të armëve kimike, u shty.

Takimi do të zhvillohet një herë tjetër, thuhej në një deklaratë të Departamentit, ku theksohej se Uashingtoni dhe Moska janë të favor të gjetjes së një zgjidhjeje politike të përshtatshme dhe afatgjatë për krizën siriane.

Zv/ministri i jashtëm rus Gennady Gatilov u shpreh i zhgënjyer nga anulimi i takimit dhe tha se vendimi u mor në mënyrë të njëanshme nga SHBA-ja. (Ardi Pulaj)