Ministri i jashtëm turk Ahmet Davutoglu tha se vendi i tij do t'i bashkohet çdo koalicioni ndërkombëtar në rastin e një ndërhyrje në Siri, nëse Këshilli i Sigurimit i OKB-së dështon në arritjen e konsensusit mbi këtë çështje.

"Ne i japim prioritet veprimit të përbashkët me komunitetin ndërkombëtar, në përputhje me vendimet e OKB-së. Por nëse KS dështon në marrjen e një vendimi, kemi alternativa të tjera. Aktualisht rreth 37 vende po i shqyrtojnë ato. Nëse krijohet një koalicion kundër Sirisë, ne do të jemi pjesë e tij", tha shefi i diplomacisë turke.

Në një intervistë për gazetën e përditshme "Milliyet", Davutoglu shtoi se Turqia është në pritje të rezultateve të hetimit nga OKB-ja për përdorimin ose jo të armëve kimike në Siri. (Ardi Pulaj)