Presidenti amerikan Barack Obama ka zhvilluar një bisedë telefonike me homologun francez Francois Hollande, për të bashkëpunuar lidhur me përdorimin e mundshëm të armëve kimike nga qeveria siriane.

Shtëpia e Bardhë deklaron se dy kryetarët e shteteve diskutuan rreth reagimeve të komunitetit ndërkombëtar dhe ranë dakord për kontakte të ngushta, pa dhënë detaje të tjera.

Telefonata e presidentit Obama është vazhdim i përpjekjeve për mbështetje ndërkombëtare, për një ndërhyrje të mundshme ushtarake ndaj qeverisë siriane,megjithë presionin politik brenda dhe jashtë vendit.(Eda Merepeza)