Siria do t'i lejojë inspektorët e OKB-së të verifikojnë akuzat e fundit për përdorimin e armëve kimike, njoftuan mediat shtetërore iraniane të shtunën në mbrëmje.

Siria po punon me inspektorët e OKB-së dhe po përgatitet t'i lejojë ata të vizitojnë vendin që u sulmua me armë kimike nga grupet terroriste, i tha ministri i Jashtëm sirian Walid al-Muallem homologut të tij iranian Mohammad Javad Zarif në një bisedë telefonike, tha agjencia zyrtare iraniane e lajmeve IRNA.

Al-Moallem gjithashtu hodhi poshtë edhe pretendimet se qeveria siriane ka përdorur armë kimike dhe e quajti atë një dredhi e përdorur nga armiqtë e Sirisë.

Më gusht 21, opozita siriane pretendoi se 1,300 njerëz u vranë nga një sulm qeveritar me armë kimike mbi fortesat e militantëve në periferi të Damaskut. (Leftion Peristeri)