Rusia kundërshtoi presionin ndaj Këshillit të Sigurimit për të votuar ndërhyrjen ushtarake ndaj qeverisë siriane, pas njoftimeve për përdorimin e armëve kimike në periferinë e Damaskut.

Zëdhënësi i Ministrisë së Jashtme të Rusisë, Alexander Lukashevich, i quajti presionet "të papranueshme".

Sipas Lukashenvich, të dhënat për përdorimin e armëve kimike nga qeveria siriane u përhapën gjerësisht disa orë para sulmit. "Është e qartë se bëhet fjalë për një veprim planifikuar", thotë Lukashevich.

Ai vuri në dukje se Moska ka ruajtur kontakte të rregullta me Damaskun dhe e ka inkurajuar të bashkëpunojë me inspektorët e OKB-së, që tashmë ndodhen në vend.

"Është për të ardhur keq që opozita ende nuk është treguar e gatshme për të lejuar hetimin", përfundoi Lukashenvich. (Çan Jean/Leftion Peristeri)