Bashkimi Europian bëri të ditur të dielën se do të shqyrtojë urgjentisht në ditët në vijim marrëdhëniet e saj me Egjiptin dhe do të marrë masat e duhura.

Në një deklaratë të përbashkët lidhur për situatën në Egjipt, presidenti i Këshillit Europian Herman Van Rompuy dhe ai i Komisionit Europian Jose Manuel Barroso thanë se Egjipti është partner i rëndësishëm i BE-së, duke i bërë thirrje palëve të ndalojnë dhunën dhe të rivendosin dialogun politik.

Për këtë qëllim, së bashku me vendet e saj anëtare BE-ja do miratojë masa, që synojnë arritjen e këtyre qëllimeve.

Sipas planit, përfaqësuesit e lartë të vendeve anëtare të BE-së do të mblidhen në Bruksel për të diskutuar mbi mënyrën e përballimit të situatës egjiptiane.

Aktualisht ndihma e BE-së ndaj Egjiptit ka tërhequr vëmendjen e gjerë të opinionit. Në nëntorin e kaluar, BE-ja miratoi një paketë ndihme prej 5 miliardë eurosh për Egjiptin. (Vera/Albana)