Ministri i Jashtëm të Kinës Wang Yi, zhvilloi bisedime të enjten me homologun e tij jordanez Nasser Judeh, për të diskutuar ngjarjet e fundit të dhunës në Egjipt.

Wang Yi tha se Kina po ndjek me vëmendje situatën dhe shprehu shqetësimin e tij për shkallëzimin e dhunës.

Kina u bëri thirrje palëve në Egjipt që të nisen nga interesi i kombëtar, për të shmangur plagosjen dhe vdekjen e civilëve.

Konflikti duhet zgjidhur përmes dialogut dhe konsultimeve, tha Wang, duke shtuar se është e nevojshme rikthimi i rregullit dhe stabilitetit.

"Kina beson se populli egjiptian mund të kapërcejë vështirësitë dhe sfidat, dhe mund të vendosë stabilitetin për zhvillimin e vendit", tha ministri i Jashtëm i Kinës. (Zhan Dian/Leftion Peristeri)