Forcat e sigurisë së Egjiptit filluan të enjten në mbrëmje të shpërndajnë një grupim të ri të mbështetësve të presidentit të rrëzuar Mohamed Morsi në Kajro, njoftoi televizioni shtetëror.

Rreth 3,000 mbështetës të Morsi u mblodhën jashtë Xhamisë Iman në Rrugën Makram eBid. Pamjet televizive treguan disa autoambulanca që transferonin kufomat nga Xhamia Iman në morgun aty pranë.

Aleanca Kombëtare për Mbështetjen e Legjitimitetit, një grupim politik pro-Morsi i përbërë nga 30 eksponentë islamikë i udhëhequr nga Vëllazëria Myslimane, u bëri thirrje egjiptianëve që të organizojnë një marshim mbarëkombëtar të quajtur "e premtja e zemërimit", për të protestuar kundër shtypjes së dhunshme të protestave.

Numri i të vdekurve nga dhuna ka arritur në pothuajse 600 në të gjithë vendin, që kur forcat e sigurisë filluan operacionin e tyre të shpërndarjes së protestuesve me dhunë në Kajro dhe Giza herët mërkurën. (Leftion Peristeri)