Të paktën 235 veta janë vrarë dhe mbi 2 000 të tjerë nga përleshjet në mbarë Egjiptin, pasi policia nisi të mërkurën në mëngjes shpërndarjen e mbështetësve të presidentit të rrëzuar Mohamed Morsi në Kajro, tha për agjencinë e lajmeve "Xinhua" zëdhënësi i Ministrisë së Shëndetësisë të Egjiptit Mohamed Fatah-Allah. Ai shtoi se 43 nga të vdekurit janë policë. Por sipas Vëllazërisë Myslimane numri i të vrarëve i kalon 2000.

Ministri i Brendshëm Mohamed Ibrahim theksoi se "protestuesve iu dha mundësi e plotë për zgjidhje diplomatike, por pa dobi." Ndërkohë, kryeministri i përkohshëm egjiptian Hazem al-Beblawi i përgëzoi forcat e sigurisë për nivelin e lartë të "përmbajtjes" gjatë shpërndarjes së mbështetësve të Morsit. Ai tha se gjendja e jashtëzakonshme e shpallur të mërkurën do të zbatohet vetëm për një periudhë të shkurtër kohe dhe premtoi se qeveria do të mbrojë qytetarët dhe do të kthejë qetësinë në rrugë. (Artani)