Ministria e Brendshme e Egjiptit ka shtyrë aksionin për shpërndarjen e demonstruesve që mbështetin presidenti e rrëzuar Mohamed Morsi.
Sipas gazetës "Pyramid Daily", Ministria e Brendshme kishte vendosur shpërndarjen e demonstruesve në mëngjesin e së hënës. Por burime nga kjo ministri bënë të ditur se, për shkak që hollësitë e operacionit u zbuluan, numri i demonstruesve në dy pikat ku janë vendosur ata u shtua shumë, gjë që solli anulimin e këtij operacioni.
Ndërkohë, drejtësia egjiptiane shpalli se ndalimi i Morsit do të zgjatet për 15 ditë, për të zhvilluar hetime mbi akuzat kundër tij, një prej të cilave është ajo e spiunazhit për "Hamasin".
Vëllezëria Myslimane e Egjiptit e quajti këtë vendim të paarsyeshëm dhe u bëri thirrje mbështetësve të vet të vazhdojnë protestat derisa Morsi të rikthehet në postin e presidentit. (Jiang Lei/Artani)