Shefi i ushtrisë së Egjiptit Abdel-Fattah al-Sisi u takua me përfaqësues të forcave islamike të vendit për të diskutuar mbi krizën aktuale politike, sipas një deklarate të publikuar të dielën.

Gjatë takimit, Sisi tha se "presidenti i vendit dhe kryeministri janë ata të cilët janë caktuar për të drejtuar shtetin," bëri të ditur zëdhënësi i ushtrisë koloneli Ahmed Ali, gjatë një deklatarate të publikuar në faqen e Facebook-ut të forcave ushtarake.

Sisi theksoi gjithashtu se ekzistojnë mundësitë për një zgjidhje paqësore të krizës për sa kohë të gjitha palët do të kundërshtojnë dhunën.

Mbështetësit e Morsit kanë protestuar për mbi një muaj në sheshin Rabaa Al Adawiya në Kajro dhe në sheshin al-Nahda në Giza, duke kërkuar rikthimin e tij në pushtet.

Ministria e Brendshme bëri thirrje përsëri të shtunën mbështetësve të Morsit për t'i dhënë fund protestave në Egjipt. (Albana)