Qeveria egjiptiane i kërkoi ministrit të Brendshëm të largojë nga rruga protestuesit mbështetës të presidentit të rrëzuar islamik Mohamed Morsi, për shkak se po kërcënojnë sigurinë e vendit.

Në një deklaratë në televizion ministri i Informacionit Doriah Sharaf el- Din tha se protestat e vazhdueshme në sheshin Rabaa Al Adaëiya dhe sheshit al-Nahda në Giza, po kërcënojnë sigurinë kombëtare të atë të qytetarëve.

"Qeveria ka vendosur marrjen e të gjitha masave të nevojshme për t'iu dhënë fund protestave," tha Doriah duke shtuar se terrorizmi dhe bllokimi i rrugëve nuk janë të pranueshëm.

Me gjithë vendimin e qeverisë, Ahmed Aaref, zëdhënësi i Vëllazërisë Myslimane, e quajti vendimin e qeverisë si "akt terrorist dhe shtoi se protestat do të vazhdojnë.

Burime të ndryshme thonë se ka një sasi të konsiderueshme armësh automatike dhe elementë të rrezikshëm pranë sheshit Rabaa dhe Nahda. (Leftion Peristeri)