Raundi i gjashtë i bisedimeve mes Koresë së Jugut dhe asaj të Veriut për rihapjen e kompleksit industrial të Kaesongut, dështoi.

Mediat koreanojugore cituan kryetarin e delegacionit të Penianit, Park Cheol-su, i cili deklaroi se negociatat u mbyllën pa ndonjë rezultat.

Sipas tij, nëse vijon e njëjta situatë, Koreja e Veriut do të konsiderojë dislokimin e trupave ushtarake pranë Kaesong-ut dhe bllokimin e rrugës në kufirin midis dy Koreve.

Ndërkohë zëdhënësi i Ministrisë koreanojugore të Bashkimit, Kim Hyung-suk tha në një konferencë urgjente shtypi se nëse Koreja e Veriut nuk tregohet e sinqertë dhe nuk premton se Kaesongu nuk do të mbyllet më, Seuli do të detyrohet të marrë masa të ashpra. (Zhan Dian)