Bisedimet e punës midis Seulit dhe Phenianit për të rihapur kompleksin industrial të Kaesong-ut duket se kanë dështuar, bëri të ditur të enjten Agjencia e Lajmeve "Yonhap".

Delegacionet e të dyja vendeve e përfunduan raundin e gjashtë të bisedimeve të punës të enjten pasdite. Të dy palët kanë vijuar të kenë dallime lidhur me miratimin apo jo të garancive ligjore dhe administrative për të parandaluar përsëritjen e mbylljes së njëanshme të kompleksit nga Koreja e Veriut. Ndërkohë, kjo e fundit paralajmëroi se do të vendoste trupa në Kaesong nëse bisedimet do të dështonin. (Artani)