Kina duhet të thellojë reformat në fushat e rëndësishme me "gjithnjë e më shumë guxim dhe urtësi politike", për tejkalimin e pengesave institucionale që po pengojne rritjen ekonomike. Kështu u shpreh të martën në provincën Hubei të Kinës Qendrore presidenti kinez Xi Jinping, në një mbledhje me zyrtarë të lartë nga Hubei, Shanxi, Heilongjiang, Shanghai, Zhejiang dhe Hunan.

Duke vënë në dukje se reformat në Kinë kanë hyrë në fazën më të vështirë, Xi u bëri thirrje autoriteteve të bëjnë kërkime gjithëpërfshirëse dhe në thellësi, për të gjetur zgjidhje për detyrat e vështira me të cilat përballet zhvillimi i Kinës.

Fushat që kreu i shtetit kinez theksoi se kanë nevojë për studime më të plota përfshijnë nxitjen e një mekanizmi më të orientuar drejt tregut, rritjen e efikasitetit të qeverisjes, nxitjen e harmonisë shoqërore dhe inovacionit, ruajtjen e drejtësisë shoqërore, si dhe përmirësimin e drejtimit të Partisë Komuniste. (Artani)