Në mëngjesin e 23 korrikut pati përsëri incidente dhune gjatë demonstratës së përkrahësve të presidentit të rrëzuar egjiptian Mohamed Morsi, duke shkaktuar 6 të vrarë.

23 korriku është Dita Kombëtare e Egjiptit. Nën thirrjen e shumë partive islamiste, përkrahësit e Morsit organizuan përsëri një demonstratë të madhe, duke kërkuar rikthimin e tij në detyrë. Ata e quajtën rrëzimin e Morsit nga ushtria egjiptiane si "grusht ushtarak shteti".

Gjatë kësaj demonstrate pati përsëri incidente dhune, si pasojë e të cilave 6 veta gjetën vdekjen dhe 41 u plagosën, shumica me armë zjarri. Vëllazëria Myslimane akuzon forcat e sigurimit se kanë goditur mbi demonstruesit, ndërsa media zyrtare thotë se protestuesit u qëlluan nga persona të paidentifikuar. (Xu Guang/Artani)