Një paciente e prekur nga virusi H7N9 ndodhet në gjendje të rëndë në spitalin Chaoyang të Pekinit, njoftuan mjekët pas konsultës mjekësore.

Pacientja e ardhur nga qyteti Langfang i provincës Hebei, u shtrua në spital më 20 korrik. Nëndrejtori i spitalit Tong Zhaohui, konfirmoi se pacientja ndodhet në gjendje të rëndë dhe se organet e saj janë dobësuar.

Mjekët specialistë thonë se virusi i gripit të shpendëve H7N9 mund të zhduket gradualisht me rritjen e temperaturës. Por, në verë është zhvilluar një mutacion i virusit.

Doktor Tong Zhaohui, thotë se paralelisht me mjekimin duhet të vazhdojnë kërkimet shkencore. (Du/Leftion Peristeri)