Zv.kryeministri i Kinës Wang Yang thirri të hënën në Pekin një mbledhje të Drejtorisë së Parandalimit të Përmbytjeve dhe të Thatësirës. Z. Wang theksoi se në radhë të parë duhet të sigurohet jeta e njerëzve, duhen parandalur përmbytjet e mëdha dhe duhen zhvilluar siç duhet punët e shpëtimit nga fatkeqësia. Ai kërkoi gjithashtu të gjenden pikat e dobëta dhe të përmirësohen e forcohen masat, për të pakësuar më maksimum dëmet nga fatkeqësia.

Numri dy i qeverisë kineze vuri në dukje se sivjet në një numër zonash kanë ndodhur përmbytje të rënda, që kanë shkaktuar viktima dhe dëme të mëdha materiale. Ai kërkoi nga autoritetet përkatëse të marrin përsipër përgjegjësitë dhe të kryejnë detyrat sipas niveleve, si edhe të forcojnë kontrollin dhe mbikëqyrjen e disiplinës në punë. (Fang Xiaoyu/Artani)