Opozita siriane propozoi armëpushim pas fillimit të muajit të Ramazanit. Propozimi erdhi nga Ahmad Jarba, kreu i Këshillit Kombëtar Sirian, grupit më të madh opozitar.

Gjithashtu sekretari i përgjithshëm i OKB-së Ban Ki-moon, u kërkoi të gjitha palëve në Siri që të ulin armët me rastin e muajit të ramazanit.

Këto propozime për vendosjen e armëpushimit të menjëhershëm në Siri i ka përkrahur edhe Kina.

Zëdhënësja e Ministrisë së Jashtme Hua Chunying, u bëri thirrje të gjitha palëve që të vendosin armëpushimin.

Kina shpreson se palët do të zbatojnë plotësisht Komunikatën e Grupit të Veprimit të miratuar më 30 qershor 2012, si dhe t'u përgjigjen pozitivisht thirrjeve për bisedime të reja në Gjenevë. (Leftion Peristeri)