Dy sulme me mortaja të martën nga rebelët sirianë shkaktuan shtatë të vrarë dhe 19 të plagosur, njofton agjencia shtetërore e lajmeve SANA.

Katër veta u vranë dhe gjashtë të tjerë u plagosën, duke përfshirë edhe fëmijë, kur dy predha mortaje goditën një bllok banimi në qytetin verior të Alepos. Sulmi shkaktoi edhe dëme ndaj shtëpive aty pranë dhe makinave të parkuara.

Në Damask, dy predha ranë në zonën Kabbas, duke sjellë si pasojë tre të vrarë dhe 13 të plagosur. SANA njofton edhe për dy predha të tjera që kanë goditur distriktin Al-Abbasien të kryeqytetin sirian, të cilat sipas saj nuk kanë shkaktuar dëme. (Artani)