Kryetari i Shtetit i Kinës Xi Jinping u takua të martën me kryeministrin e Rumanisë Victor Ponta në Pekin, i cili merr pjesë në Konferencën e liderëve të Kinës dhe Europës Qendrore e Lindore.
Gjatë takimit, Xi theksoi se Kina është e gatshme për gjetjen e mënyrave të reja të bashkëpunimit me vendet e Europës Lindore e Qndrore, për thellimin e bashkëpunimit si dhe zhvillimin e mëtejshëm të marrëdhënieve.
Ai vuri në dukje se themelimi i strukturës së bashkëpunimit Kinë-Europë Qendrore e Lindore ka krijuar një platformë të re bashkëpunimi në shumë fusha të ndryshme midis Kinës dhe Rumanisë si dhe me vendet e tjera. Ky bashkëpunim përputhet me interesat e përbashkëta të palëve.
Lidhur me marrëdhënieve dypalëshe kino-rumune, Xi Jinping u shpreh se Kina është e gatshme të punojë me Rumaninë për zgjerimin e shkëmbimeve në fusha të ndryshme, të shtojnë kontaktet për çështje shumëpalëshe, dhe t'i ngrenë marrëdhëniet në një nivel më të lartë zhvillimi. (Fang Xiaoyu/Albana)