Urimet për festën tradicionale të varkës së dragoit erdhën edhe nga hapësira. Tre astronautët e anijes kozmike Shenzhou-10 dërguan urimet e tyre.

"Sot është festa e varkës së dragoit. Duam të shprehim urimet e ngrohta për të gjithë popullin, si dhe të gjithë kinezët kudo në botë. Gëzuar festën," u shprehën astronautët.

Kapiteni i anijes Nie Haisheng tha se anija vazhdon të sillet në orbitë në gjendje normale. "Çdo gjë po shkon normalisht. Ju falënderojmë për vëmendjen," tha Nie.

Pastaj, tre astronautët shijuan Zong Zi, ushqimin e posaçëm për festën e varkës së dragoit. Ndryshe nga ato në Tokë, Zong Zi në hapësirë ka formë të sheshtë. (Jiang Lei/Leftion Peristeri)