Misioni hapësinor me ekuipazh Shenzhou-10 do të fillojë në mes të qershorit, tha të hënën zëdhënësi i Programit Hapësinor me Ekuipazh të Kinës.

Misioni ka hyrë në fazën përfundimtare të përgatitjeve, pasi ka mbaruar montimi i mjetit fluturues dhe modifikimi i raketambajtëses 'Long March-2F'.

Anija kozmike që do të lëshohet në hapësirë në mes të qershorit nga qendra e lëshimit të satelitëve në Jiuquan, do të ketë në bord 3 astronautë dhe do të lidhet me laboratorin Tiangong-1. (Leftion Peristeri)