Presidenti kinez Xi Jinping tha të premten se vizita e tij në Trinidad e Tobago do t'i japë një shtysë të re dhe të fuqishme marrëdhënieve mes dy vendeve.

"Kjo gjë jo vetëm që do të jetë në të mirë të popujve, por do të zgjerojë edhe bashkëpunimin mes Kinës dhe vendeve të rajonit", tha Xi.Presidenti kinez u prit nga homologu Anthony Carmona, kryeministrja Kamla Persad-Bissessar dhe udhëheqës të tjerë të Trinidad e Tobagos.

"Besoj se me përpjekjet tona të përbashkëta, vizita ime do të arrijë sukses të plotë dhe do t'i japë një shtysë të re e të fortë marrëdhënieve tona", tha Xi.Ai pritet të takohet edhe me udhëheqësit e Antiguas e Barbudas, Barbadosit, Bahamas, Republikës Domenikane, Grenadës, Guajanas, Surinamit dhe Xhamajkës, me të cilët do të diskutojë për rritjen e bashkëpunimit.Më pas Xi Jinping do të udhëtojë drejt Kosta Rikës e Meksikës.Në përfundim të turneut në Amerikën Latine, kreu i shtetit kinez do të shkojë për të takuar në Sunnylands, homologun amerikan Barak Obama në datat 7 dhe 8 qershor. (Ardi Pulaj)