Në takimin me drejtues ushtarakë pakistanezë, z. Li vuri në dukje se Pakistani ka bërë përpjekje dhe sakrifica të mëdha në luftën kundër terrorizmit. Kina mbështet hartimin nga pala pakistaneze të një strategjie antiterroriste të bazuar në kushtet konkrete të vendit. "Bashkësia ndërkombëtare duhet ta përkrahë Pakistanin për të kapërcyer vështirësitë, me parakushte të tilla si respektimi i pavarësisë, i sovranitetit dhe i tërësisë territoriale të vendit", tha kryeministri Li.
Nga ana e tyre, drejtuesit e ushtrisë pakistaneze shprehën në takim dëshirën për forcimin e komunikimit e të bashkëpunimit dypalësh në luftën kundër terrorizmit, për ruajtjen e paqes dhe të stabilitetit rajonal.
(Çan Jean/Artani)