Kryeministri kinez, Li Keqiang mbërriti të mërkurën në Pakistan për një vizitë zyrtare që ka për qëllim thellimin e marrëdhënieve miqësore me këtë vend.
Avioni i Li u shoqërua nga gjashtë avionë ushtarakë pakistanezë kur hyri në hapësirën ajrore të vendit.
Shefi i qeverisë kineze u prit në aeroport nga presidenti Asif Ali Zardari dhe kryeministri i përkohshëm, Mir Hazar Khan Khoso.
Me udhëheqësit e Pakistanit, Li Keqiang do të bisedojë për marrëdhëniet dypalëshe dhe çështjet me interes të përbashkët.
Vizita në Pakistan e kryeministrit kinez zhvillohet pas asaj në Indi. (Ardi Pulaj)