Një anije private peshkimi e ndaluar nga Republika Demokratike e Koresë u lirua herët të martën, njoftoi agjencia e lajmeve Xinhua duke cituar një zyrtar të konsullatës.

Yu Xuejun, pronari i anijes "Liaoning Generic Fishing Nr. 25222" nga qyteti i Dalienit në provincën verilindore Liaoning, i tha ambasadës kineze se ekuipazhi i anijes "është i gjithi duke u kthyer, rreth orës 3 të mëngjesit," thekson zyrtari.

Ambasada kineze i dorëzoi një notë proteste Ministrisë së Jashtme të Koresë së Veriut sapo morri thirrjet për ndihmë të pronarit të mjetit, Yu, më 10 maj.

Zëdhënësi i Ministrisë së Jashtme të Kinës, Hong Lei i bëri thirrje të hënën Penianit të garantojë sigurinë dhe të drejtat e peshkatarëve të ndaluar kinezë, duke e trajtuar siç duhet incidentin. (Leftion Peristeri)