Kryeministri kinez Li Keqiang, i cili ndodhet për një vizitë në Nju Delhi, bëri thirrje të hënën për arritjen e progresit thelbësor në bashkëpunimin kino-indian.

Li e kërkoi nxitjen e bashkëpunimit gjatë një takimi me homologun indian, Manmohan Singh.

"Dy vendet duhet të rrisin bashkëpunimin në fushën e mbrojtjes, të shtojnë shkëmbimet, të trajtojnë në mënyrën e duhur temat delikate e të çojnë përpara bisedimet për çështjen e kufijve", tha Li.

Kryeministri Li Keqiang mbërriti të dielën në Indi, ndalesa e parë në turneun e tij të parë jashtë vendit që kur mori postin e kreut të qeverisë kineze. Në kuadër të këtij turneu, ai do të vizitojë edhe Pakistanin, Zvicrën e Gjermaninë. (Ardi Pulaj)