Zyrtarë amerikanë dhe japonezë kanë zhvilluar takime për të diskutuar mbi situatën në Gadishullin Korean.
I dërguari i posaçëm i ShBA-së për Korenë e veriut Glyn Davies takoi në Tokio homologun e tij japonez.
Të dy thanë se duan të vendosin koordinim midis Japonisë, Shteteve të Bashkuara dhe Koresë së Jugut për të kombinuar përpjekjet për ta kthyer Korenë e Veriut në bisedime.
Davies tha se dera mbetet e hapur për Veriun.
"Është e rëndësishme dhe unë dua ta nënvizoj, se të gjithë ne duhet të qëndrojmë të bashkuar në qasjen ndaj Koresë së Veriut," tha ai. (Leftion Peristeri)