Banka e Zhvillimit e Kinës, njoftoi të martën dhënien e një kredie emergjence me vlerë 116 milionë juan (18.7 milionë dollarë) për të ndihmuar kompanitë e prekura nga përhapja e virusit të gripit të shpendëve H7N9.

Kredia, që ka për qëllim të përdoret nga kompanitë për t'i bërë ballë situatës së re të krijuar pas përhapjes së gripit të shpendëve, u morr nga dy firma të njohura pjesë e Huadu Group Co., një lider në furnizimin me pula, tha banka.

Lëvizja e bankës vjen pas njoftimit të qeverisë për të dhënë 600 milionë juan në formën e subvencioneve.

Sipas të dhënave të Shoqatës së Kafshëve dhe Bujqësisë së Kinës, humbjet ekonomike nga përhapja e virusit të gripit të shpendëve kanë arritur në 40 miliardë juan. (Leftion Peristeri)