Ministri i Jashtëm i Kinës Wang Yi u takua të enjten me homologun e vet indonezian Marty M. Natalegawa.
Pas takimit të dyja palët zhvilluan një konferencë të përbashkët shtypi, ku Wang Yi shtjelloi qendrimin e palës kineze mbi problemin e Detit të Kinës Jugore.
Wang Yi theksoi se Kina ka dëshmi të bollshme historike dhe ligjore që mund të vërtetojnë se sovraniteti i ishujve Nansha dhe ujërave përreth i takon Kinës. Si vend i madh përgjegjës, qëndrimi i Kinës në çështjen e Detit të Kinës Jugore është i vendosur. Së pari, Kina është e angazhuar në ruajtjen e paqes dhe stabilitetit në Detin e Kinës Jugore, së dyti, Kina i kushton rëndësi zbatimit të plotë nga të gjitha anët të Deklaratës së Sjelljes së Palëve në Detin e Kinës Jugore dhe së treti, Kina është e gatshme të punojë me palët përkatëse në zgjidhjen e mosmarrëveshjeve nëpërmjet konsultimeve miqësore.
Wang Yi u shpreh gjithashtu se Kina do të vazhdojë të bashkëpunojë me vendet e ASEAN-it, për paqen dhe stabilitetin rajonal. (Vera/Albana)