Deri në orën 15:00 të 21 prillit, tërmeti në Lushan të Kinës jugperëndimore ka prekur të paktën 1.5 milionë banorë, 186 ndër të cilët kanë humbur jetën dhe gjendja e 21 të bllokuarve nuk dihet ende.

Aktualisht vazhdon puna intensive e shpëtimit në zonën e prekur. Forcat e shpëtimit, si ushtarakët, policët dhe zjarrfikësit kanë nisur operacionet për shpëtimin dhe evakuimin shtëpi më shtëpi në mbarë zonën e prekur.

Ndërkohë, qeveria qendrore ka lëshuar një fond emergjence prej 1 miliard juanësh për shpëtimin dhe zhdukjen e fatkeqësisë, dhe për rinormalizimin e jetesës së banorëve vendas.

Gjithashtu, në zonën e prekur janë transportuar materialet ndihmëse, si tenda, jorganë dhe shtretër portativë nga krahinat e tjera të Kinës.

Ndërkohë, deri në orën 16:00 të 21 prillit, sektorët e shëndetësisë kanë mobilizuar 149 ekipe mjekësore, 1125 mjekë dhe infermierë profesionistë, si dhe 205 ambulanca. (Jiang Lei/Albana)