Ministri koreanojugor i Mbrojtjes, Kim Kwan-jin tha të hënën se vendi do të marrë komandën operacionale luftarake nga Uashingtoni, në vitin 2015, ashtu siç është planifikuar.

Deklarata erdhi pas spekulimeve se një gjë e tillë nuk do të ndodhte për shkak të kërcënimeve për luftë nga Koreja e Veriut.

Kreu i dikasterit të mbrojtjes, tha se Ministria do të respektojë marrëveshjen mes Koresë së Jugut dhe Shteteve të Bashkuara të Amerikës.

Marrëveshja u nënshkrua në vitin 2010. Sipas saj, Uashingtoni do t'i dorëzojë komandën Seulit, në 1 dhjetor 2015. Aktualisht në Korenë e Jugut janë të stacionuar 28500 trupa amerikane. (Ardi Pulaj)