Pas rënies së tërmetit në Ya'an të provincës Sichuan të Kinës jugperëndimore, komuniteti ndërkombëtar shprehu gatishmërinë për ofrimin e ndihmave të ndryshme. Lidhur me këtë zëdhënësi i Ministrisë së Punëve të Jashtme të Kinës Qin Gang tha se forcat e shpëtimit dhe të mjekimit të Kinës si dhe materialet e shpëtimit janë të mjaftueshme dhe qeveria e populli kinez shprehin falenderime të sinqerta për këtë gatishmëri.

Ai shtoi se qeveria kineze po zhvillon me të gjitha mundësitë punën e shpëtimit dhe aktualisht ekipet e shëndetësisë dhe të kërkim-shpëtimit janë të garantuara si dhe materialet janë të mjaftueshme. Për momentin nuk nevojiten forca të vendeve të jashtme, pasi ka dhe probleme në telekomunikacionin e zonës së prekur. Ministria e Punëve të Jashtme e Kinës njoftoi se nëse Kina do të ketë nevojë për ndihmë, do t'i paraqesë kërkesë vendit përkatës. (Vera/Albana)