Deri në orën 17:00 të së dielës, tërmeti që tronditi distriktin Lushan të provincës Sichuan të Kinës jugperëndimore ka shkaktuar 184 viktima, 24 të zhdukur dhe mbi 11 mijë të plagosur.

Aktualisht, të plagosurit janë në mjekim e sipër si dhe ka një përmirësim në sistemin e komunikacionit në këtë zonë.

Po të dielën, kryeministri Li Keqiang, para kthimit për në Pekin vizitoi të plagosurit rëndë që ndodhen në spitalin Huaxi të qytetit Chengdu, kryeqendra e Sichuanit. Shefi i qeverisë kineze premtoi se qeveria do të përgjigjet për të gjitha shpenzimet e mjekimit dhe do të rindërtojë banesat e shembura.

Ndërkohë, sipas parashikimit meteorologjik në tre ditët e ardhshme, në zonën e prekur nga tërmeti pritet të ketë reshje shiu, të cilat do të ndikojnë në punën e shpëtimit dhe mund të shkaktojnë fatkeqësi të tjera si përmbytje, rrëshqitje dheu etj.

(Çan Jean/Albana)